വാര്‍ത്ത

എഫ്‌ ഐ സി ആയി പുതുതായി ചാര്‍ജെടുത്ത PRAVEENKUMAR .P.T സാറിന് അഭിനന്ദനങ്ങള്‍.....കമ്പല്ലൂർ ഹയർ സെക്കണ്ടറി സ്‌കൂൾ 2013-14 കേരള പരിസ്ഥിതി കാലാവസ്ഥാ വ്യതിയാന വകുപ്പ് സംസ്ഥാനത്തെ ഹയർ സെക്കണ്ടറി മേഖലയിലെ ഏറ്റവും മികച്ച ഭൂമിത്ര സേനാക്ലബിനു ഏർപ്പെടുത്തിയ സംസ്ഥാന അവാർഡ്‌ ( ട്രോഫിയും സർടി ഫിക്കറ്റും കാഷ് അവാർഡും ) കരസ്ഥമാക്കി . ശുചിത്വ ഗ്രാമ പ്രവർത്തനത്തിലൂടെ പരിസ്ഥിതി സൌഹൃദ ഭവനം എന്ന ആശയത്തിന്റെ ഫലപ്രദമായ പ്രചാരണം ,പ്രകാശ മലിനീകരണത്തെ കുറിച്ചുള്ള പോസ്ടർ പ്രചാരണം , നീർ ചാലുകളുടെ ശുചീകര ണ ത്തിലൂടെ തേജസ്വിനി നദീ സംരക്ഷണ പ്രവർ ത്തനങ്ങൾ , നെൽകൃഷിയുടെ പുനരുജ്ജീവനം ,വായനാ വാരവും കഥാസദസ്സും ,ബയോ ഡൈവെർസിറ്റി രജിസ്റ്റർ പ്രസിദ്ധീകരണം ,ജല കേളി ഇ -ക്വിസ് മത്സരം തുടങ്ങിയ പ്രവർത്തനങ്ങളാണ് കമ്പല്ലൂർ ഭൂമിത്രസേനാ പ്രവർത്തനങ്ങളെ ശ്രദ്ധേയ മാക്കുന്നത് എന്ന് അവാർഡ് കമിറ്റിക്കു വേണ്ടി പരിസ്ഥിതി വകുപ്പ് ഡയരക്ടർ ശ്രീ കണ്ഠൻ നായർ അഭിപ്രായപ്പെട്ടു . തിരുവന്തപുരത്ത് വി ജെ ടി ഹാളിൽ വെച്ച് ഇന്നലെ വൈകുന്നേരം നടന്ന ചടങ്ങിൽ മുൻ ഫാക്കൽറ്റി ഇൻ ചാർജ് രാധാകൃഷ്ണൻ മാസ്റ്റർ ബഹുമാനപ്പെട്ട മന്ത്രി തിരുവഞ്ചൂർ രാധാകൃഷ്ണൻ അവർകളിൽ നിന്നും സ്കൂളിനു വേണ്ടി അവാർഡ്‌ ഏറ്റുവാങ്ങി .ബഹു .മേയർ അഡ്വ .ചന്ദ്രിക അദ്ധ്യക്ഷയായിരുന്നു . നേരത്തെ ചടങ്ങിൽ തിരുവനന്തപുരം ജില്ലയിൽ ഈ വർഷം തുടങ്ങുന്ന " നഗരത്തിൽ ഒരു ഹരിതച്ചാർത്ത് " എന്ന പ്രോഗ്രാമിൻറെ ഉൽഘാടനം ബഹുമാനപ്പെട്ട മന്ത്രി ശ്രീ തിരുവഞ്ചൂർ ഉദ്ഘാടനം ചെയ്തു . ********************************************************************************* സമ്മാനർഹരായവരുടെ ലിസ്റ്റ്‌ - ഹയർ സെക്കണ്ടറി വിഭാഗത്തിൽ സംസ്ഥാനത്ത് ഒന്നാം സ്ഥാനം -ഗവ. ഹയർ സെക്കണ്ടറി സ്കൂൾ ,കമ്പ ല്ലൂർ . .....നന്ദി,ഞങ്ങളുടെ പ്രവര്‍ത്തനങ്ങള്‍ക്ക് എല്ലാ പിന്തുണയും തരുന്ന കേരള കാലാവസ്ഥാ വ്യതിയാന വകുപ്പിന്.

Wednesday, July 31, 2013

ഭൂമിത്ര സേന ക്ളബിന്റെ ഒന്നാം വർഷ അപേക്ഷകർക്കായി ലോഷൻ നിർമാണ പരിശീലനം

BMC/215/HS-25/KGD/08/12
കമ്പല്ലുർ ഹയർ സെകണ്ടരി ഭൂമിത്ര സേന ക്ളബിന്റെ
ഒന്നാം വർഷ അപേക്ഷകർക്കായി ലോഷൻ നിർമാണ പരിശീലനം നടത്തി .
ജെ ആർ സി ട്രെയിനർ ലതാഭായി ടീച്ചർ ,ജെ ആർ സി വളണ്ടിയർമാരായ ശിവാനി രഘുനാഥ് ,അഖില എ.ആർ ,ത്രിഷ ടി കെ ,അമൃത ബാബു ,വിദ്യാ കെ എസ് ,അഖിൽ പി.എൻ ;നിഖിൽ കെ എ എന്നിവരാണ് പരിശീലനത്തിനു നേതൃത്വം നൽകിയത്‌ .



















57 ഒന്നാം വർഷ അപേക്ഷകർ പരിശീലനത്തിൽ പങ്കെടുത്തു .38 ലിറ്റർ ലോഷൻ നിർമ്മിച്ചു .സ്കൂൾ ടോയിലറ്റു കളും ബാത്ത്  റൂമുകളും വൃത്തിയാക്കാൻ ഇവ ഉപയോഗിക്കും .

ആവശ്യമായ അസംസ്കൃത വസ്‌തുക്കൾ -

1.ഒലിഖ് ആസിഡിന്റെയും സോഫ്റ്റ് സോപിന്റെയും മിശ്രിതം
2.പൈനോയിൽ
3.പുൽതൈലം

പരിശീലനത്തിനു ശേഷം വിവിധ ഗ്രൂപ്പുകളായി തിരിഞ്ഞ് ലോഷൻ നിർമാണ ത്തിൻറെ മെച്ചങ്ങൾ ചർ ച്ച ചെയ്തു

മെച്ചങ്ങൾ 

.പാഴാക്കി കളയുന്ന പ്ലാസ്റ്റിക്‌ കുപ്പികൾ വീണ്ടും ഉപയോഗിക്കാൻ കഴിയും ;
രാസവസ്തുക്കൾ കുറഞ്ഞ ലായനി പ്രചരിപ്പിക്കുന്നു ;
ശുചീകരണ ത്തിന്റെ ചെലവ് വൻ തോതിൽ കുറയും ;
സ്വാശ്രയ ശീലം വർധിക്കും

അടുത്ത ഘട്ടം 
2 ആഴ്ചകൾക്കുള്ളിൽ 

അടുത്ത ഘട്ടത്തിൽ മാർക്കറ്റിൽ വിതരണം ചെയ്യാനായി 100 ലിറ്റർ ലോഷൻ  നിർമ്മിക്കാനാണ് തീരുമാനം .മാർക്കറ്റിൽ ലിറ്ററിനു 25 രൂപ മുതൽ  45 വരെ ഈടാക്കുന്ന ലോഷൻ ലിറ്ററിനു 20 രൂപ നിരക്കിൽ വിതരണം ചെയ്യുന്നതാണ്‌ .

ഒരു മാസത്തിനുള്ളിൽ 
കുടുംബശ്രീകൾക്ക് പരിശീലനം നൽകാൻ ഇന്നത്തെ അറിവു ഉപയോഗപ്പെടുത്തും
എൻ എസ് എസ്സിന്റെ ദത്തു ഗ്രാമത്തിലെ എല്ലാ വീടുകളിലും ലോഷൻ വിതരണവും പരിശീലനവും നടത്തും .

Saturday, July 13, 2013

കിണർ റീ ചാർജിംഗ് പരിശീലനം നടന്നു 13072013 2 PM 5 PM

കൊല്ലാട മാതൃകാ ഗ്രാമത്തിൽ  ശ്രീ  കുഞ്ഞി ക്കണ്ണൻ മാസ്റ്ററുടെ നേതൃത്വത്തിൽ കിണർ റീ ചാർജിംഗ് പരിശീലനം നടന്നു .വാർഡ്‌  മെമ്പർ ശ്രീമതി സുലോചന ടി വി പ്രവർത്തനം ഉൽഘാടനം ചെയ്തു .സന്തോഷ്‌ കെ.വി ( വാർഡ്‌ 1 4 ),മാത്യു കെ.ഡി (അധ്യക്ഷൻ ),രമേശൻ  മാസ്റ്റർ ,ബെന്നി ഇ ലവുങ്കൽ ,അർജുൻ ടി ആർ ,റിയ ജോയ്‌ ,ശ്രീരാഗ്.എ .പി (സ്വാഗതം ),ദാമോദരൻ കെ വി (നന്ദി) തുടങ്ങിയവർ സം സാരിച്ചു .
ദാ മോദരൻ കെ.വി ,ഇബ്രാഹിം തുടങ്ങിയവർ  റീ ചാർജിങ്ങ് പിറ്റ്  നിർമാണത്തിന് നേതൃത്വം നൽകി .
വളണ്ടിയർമാരും നാട്ടുകാരും ഉൾപ്പെടെ 6 8 ഓളം പേർ സ്കൂൾ ഓഡി ട്ടോറിയത്തിൽ നടന്ന  ക്ലാസ്സിലും അതിനെ തുടർന്ന് കൊല്ലാട ടൗണിൽ നടന്ന വിശദീകരണത്തിലും പങ്കെടുത്തു .
മാർച്ച്‌ ഏപ്രിൽ മാസങ്ങളിൽ അനുഭവപ്പെടുന്ന ജലക്ഷാമം പരിഹരിക്കാൻ ഈപ്രവർത്തനം ഒരു പരിധി വരെ  ഉപകരിക്കുമെന്ന് ക്ലാസ്സിനെ തുടർന്ന് നടന്ന
ചർച്ചകളിൽ അഭിപ്രായമുണ്ടായി .കൊല്ലാട മാതൃക ഗ്രാമത്തിൽ അടുത്ത ആറു മാസത്തിനുള്ളിൽ ഈ പ്രോജക്ടിൻറെ തുടർ പ്രവർത്തനങ്ങൾ നടക്കുന്നതാണ് .ഇതിനു സാധ്യമായ എല്ലാ പിന്തുണയും ലഭ്യമാക്കുമെന്ന് വാർഡ്‌ മെമ്പർ സുലോചന കെ.വി ഉറപ്പു നൽകി .














Friday, July 12, 2013

ജനസംഖ്യാദിനത്തോടനുബന്ധിച്ചു സംവാദം നടത്തി 12/07/2013

സോഷ്യൽ സയൻസ് ക്ലബ്ബിന്റെയും നാഷനൽ സർവീസ്  സ്കീമിന്റെയും ഭൂമിത്രസേനാ ക്ലബ്ബിന്റെയും നേതൃത്വത്തിൽ  ജനസംഖ്യാ  ദിനത്തോടനുബന്ധിച്ചു   സംവാദം നടത്തി

       " ജനസംഖ്യാ  വർധനവ്‌ വികസനത്തിന്‌ അനുഗുണമാണ് '' എന്ന വിഷയത്തെ  അടിസ്ഥാനപ്പെടുത്തി നടന്ന തർക്കത്തിൽ വിദ്യാർത്ഥികൾ ആവേശപൂർവ്വം പങ്കെടുത്തു .

       റിയാ ജോയിയുടെയും മിഥുനാ ഷാജിയുടെയും നേതൃത്വത്തിൽ 6 പേർ വീതമുള്ള 2 ടീമുകൾ  നടത്തിയ  സംവാദത്തിൽ ജനസംഖ്യാ സ്ഫോടന ത്തിന്റെ വിവിധ വശങ്ങൾ വിശകലനം ചെയ്യപ്പെട്ടു .

       7 0 ഓളം വിദ്യാർഥികൾ സദസ്സിന്റെ ഭാഗമായി .പ്രവീണ്‍ മാസ്റ്റർ നിയന്ത്രിച്ച സംവാദം ഓഡി യോ വിഷ്വൽ ഉപകരണങ്ങളുടെ സന്ദർഭോചിതമായ ഉപയോഗം കൊണ്ട് വിജ്ഞാന പ്രദമായി .

     രാജേഷ്‌ മാസ്റ്റർ ,ജെയിംസ്‌ ചെറിയാൻ ,സോണി മാസ്റ്റർ  തുടങ്ങിയവർ നേതൃത്വം നൽകി .






Thursday, July 11, 2013

06/07/2013 ഉച്ചക്ക് ശേഷം 3 മണി മുതൽ 5 മണി വരെ-കൊതുകു ഉറവിടങ്ങൾ നശിപ്പിക്കുകയും പ്ലാസ്റ്റിക്‌ മാലിന്യങ്ങൾ ശേഖരിക്കുകയും

കൊതുകു ഉറവിടങ്ങൾ നശിപ്പിക്കുകയും പ്ലാസ്റ്റിക്‌ മാലിന്യങ്ങൾ ശേഖരിക്കുകയും 
ഇന്ന് 06/07/2013 ഉച്ചക്ക് ശേഷം 3 മണി മുതൽ 5 മണി വരെ നാഷനൽ സർവീസ് സ്കീം യുനിറ്റിന്റെ അഞ്ചു വർക്കിംഗ്  ഗ്രൂപ്പുകളുടെ പ്രതിനിധികളായ 26 എൻ എസ് എസ് വളണ്ടിയർമാർ  മാതൃകാ ശുചിത്വഗ്രാമം സന്ദർശിക്കുകയും കൊതുകു ഉറവിടങ്ങൾ നശിപ്പിക്കുകയും പ്ലാസ്റ്റിക്‌ മാലിന്യങ്ങൾ ശേഖരിക്കുകയും ഗ്രാമീണർ ആവശ്യപ്പെട്ട മഹാഗണി ,ഉങ്ങ് ,വേപ്പ് ,കുമ്പിൾ ,പേര ,പുളി ,നീർമരുത്  തുടങ്ങിയ മരങ്ങളുടെ തൈകൾ വീട്ടിൽ  എത്തിച്ചു കൊടുക്കുകയും ചെയ്തു .കൂടാതെ നേരത്തെ ഭൂമിത്ര സേനാ ക്ലബ് വിതരണം ചെയ്ത 50 ഒട്ടുമാവിൻ തൈകൾ ( ഓരോ വീട്ടിലും ഓരോ തൈ ) നട്ടിട്ടുണ്ട് എന്നുറപ്പു വരുത്തുകയും നടാത്ത മാവുകൾ നടുകയും നട്ട മാവുകൾക്ക് വേണ്ടുന്ന ശുശ്രൂഷ ചെയ്യുകയും ചെയ്തു .

ഇന്ന് ആകെ 40 മര തൈകൾ വിതരണം ചെയ്തു .10 ചാക്കുകൾ  നിറയെ പ്ലാസ്ടിക്കുകൾ ശേഖരിച്ചു .50 വീടുകൾ ശുചീകരിച്ചു .ആനന്ദ് ആർ  ,മിഥു നാ  ഷാജി ,ജിൻസി സാറ അച്ചൻകുഞ്ഞ് ,അർജുൻ ടി ആർ തുടങ്ങിയവർ നേതൃത്വം നൽകി


അടുത്ത പ്രോഗ്രാം - 7/7/2013 ഞായർ 5.30 മണി
കൃഷി ഭവനിൽ നിന്നും ശേഖരിച്ച WCT തെങ്ങിൻ തൈകൾ  വിതരണം -കൊല്ലാട ഹാപ്പി ക്ലബ്ബിൽ വെച്ചു -നേരത്തെ ബുക്ക്‌ ചെയ്തവർക്ക് മാത്രം 

കിണർ റീ ചാർജിംഗ് പരിശീലനം -2013 ശനി 2 മണി ,കമ്പല്ലുർ ഹയർ സെക്കണ്ടറി സ്കൂൾ ഓ ഡി റ്റോ റിയം .പൊതുജനങ്ങൾക്കും പങ്കെടുക്കാം 




കിണർ റീചാർജിംഗ് - പരിശീലനം 13/7/2013 ശനി ഉച്ച കഴിഞ്ഞ് 2 മണിക്ക് .

ജല സുരക്ഷ പ്രൊജക്റ്റ്‌ -

ഭൂമിത്രസേന ക്ലബ്ബിന്റെയും
നാഷണൽ സർവീസ് സ്കീമിൻറെയും  നേതൃത്വത്തിൽ
മാതൃകാ ഗ്രാമത്തിൽ കിണർ റീചാർജിംഗ്  -
പരിശീലനം

13/7/2013 ശനി ഉച്ച കഴിഞ്ഞ് 2 മണിക്ക് .
കമ്പല്ലൂർ ഹയർ സെകണ്ടരി സ്കൂൾ ഓഡി റ്റോരിയത്തിൽ .

പൊതുജനങ്ങൾക്കും പങ്കെടുക്കാം .

ക്ലാസ്സ്‌ നയിക്കുന്നത് -ശ്രീ പി .കുഞ്ഞിക്കണ്ണൻ കാഞ്ഞങ്ങാട്


*ഡെമോണ്‍സ്ട്രേഷൻ-
 കൊല്ലാട ഗ്രാമത്തിൽ 13/7/2013 ശനി ഉച്ച കഴിഞ്ഞ് 2 മണിക്ക്  3.15 ന് *
സ്വാഗതം

പരിസ്ഥിതി ദിനാഘോഷം- സമ്മാന വിതരണം

ഭൂമിത്രസേന ക്ലബ്ബ് ഗവണ്മെന്റ് ഹയര്‍ സെക്കണ്ടറി സ്കൂള്‍ കമ്പല്ലൂര്‍
BMC 215/HS 25/KGD/08/12
പരിസ്ഥിതി ദിനാഘോഷം- സമ്മാന വിതരണം
പരിസ്ഥിതി ദിനവുമായി ബന്ധപ്പെട്ട് നടത്തിയ ഉപന്യാസമത്സരം ,പോസ്റ്റർ രചനാ മത്സരം,ജലസുരക്ഷ ഇ-ക്വിസ് മത്സരം എന്നിങ്ങനെ   വിവിധ മത്സരങ്ങളില്‍  ഹയർ സെക്കണ്ടറി ,ഹൈസ്കൂൾ ,അപ്പർ പ്രൈമറി ,ലോവർ പ്രൈമറി തലങ്ങളിലായി പങ്കെടുത്തവർക്കുള്ള    സമ്മാനങ്ങളും ആദ്യ മൂന്ന് സ്ഥാനങ്ങള്‍ നേടിയവര്‍ക്കുള്ള കാഷ് അവാര്‍ഡും വാര്‍ഡ്‌  മെമ്പര്‍ സുലോചന ടി വി വിതരണം ചെയ്തു.സി ജെ മാത്യു മാസ്റ്റര്‍ അധ്യക്ഷത വഹിച്ച യോഗത്തില്‍ പ്രിന്‍സിപ്പല്‍ കെ ഡി മാത്യു; സീനിയര്‍ അസിസ്റ്റന്റ്  ബെറ്റി ജോര്‍ജ് ഫാക്കല്‍റ്റി ഇന്‍ ചാര്‍ജ് രാധാകൃഷ്ണന്‍ സി കെ എനിവര്‍ സംസാരിച്ചു ..ഭൂമിത്രസേന വളണ്ടിയര്‍ ആനന്ദ് ആര്‍ സ്വാഗതവും അര്‍ജുന്‍ ടി ആര്‍ നന്ദിയും പറഞ്ഞു.

08/07/2013 തിങ്കളാഴ്ച 11 മണിക്ക് നടന്ന യോഗത്തില്‍ പങ്കെടുത്ത ഹയര്‍ സെക്കണ്ടറി പന്ത്രണ്ടാം ക്ലാസ് വിദ്യാര്‍ത്ഥികളും നവാഗതരായ പതിനൊന്നാം ക്ലാസ് വിദ്യാര്‍ത്ഥികളും സമ്മാനിതരായ ഹൈസ്കൂള്‍ വിദ്യാര്‍ത്ഥികളും ഉള്‍പെട്ട സദസ്സിന് ഈ സമ്മാനദാനച്ചടങ്ങ്‌ പ്രചോദനകരമായി മാറി.